Hangoolnews.com
Akhri Khaladka Ku Jira Wageegto Xil Ka Qaadis Ah Oo Uu Sameeyay Madaxwayne Biixi Maanta
April 14, 2019 - Written by Hangool News 1

Hangoolnews:- madaxwaynaha Somaliland Mudane Muuse Biixi Cabdi ayaa wareegto uu soo saaray maanta “goor-dhawayd” aan lagu dacayn in xil ka qaadis lagu sameeyay wasiirkii hore ee Caafimaadka halka badalkiisa wareegtada lagu sheegay,

Wasiirka Caafimaadka ayaa hore u socsaday Iscasilaad xataa laguma sheegin wareegtada in laga aqbalay dalabkiisii,

Ma ah markii ugu horaysay ee wareegto ka soo baxday xafiiska Afhayeenka Madaxwaynaha lagu arko khaladaad aan la ogayn sababteed, xataa isla wareegtada ayaanu nidaam ahaan ku saxeexnayn Afhayeenka Muuse Biixi

Wareegtada maanta ayaa u dhignayd siddan

WAREEGTO MADAXWEYNE: 14 /04/2019
Madaxweynaha Jamhuuriyadda Somaliland, Mudane Muuse Biixi Cabdi waxa uu wareegto madaxweyne oo summadeedu tahay JSL/XM/XKQ/222/1-293/042019, uu Xilka qaadis iyo Magacaabid ku sameeyey xubno ka mida xukuumadda.

Waxaanay u dhignayd Wareegtada Madaxweynuhu Sidan:-

Wareegto Madaxweyne

Xil ka Qaadis

Ku: Cawaale Ibraahim Shirwac Looddoon
Wasiirkii Hore ee Wasaaradda Qorshaynta iyo Horumarinta Qaranka

Ku: Axmed Xasan Cigaal Sahal
Safiirka Somaliland u Fadhiya Itoobiya

Ujeeddo: Xil Ka-qaadis

Mudanayaal,

Sida aad la socotaan, xilka qaranka ayey dabcigiisa tahay in uu meerto noqdo, oo hadba loo igmado ciddii hanan karta. Sidaa darteed, waxaan gartay in laga bilaabo taariikhda maanta aan idinka qaado xilalkii aad hayseen.

Waxaan idiinka mahadcelinayaa muddadii aad hayseen xilalkaas Qaran.
Wareegto Madaxweyne.

Magacaabid

Markaan Arkay: Dastuurka Jamhuuriyadda Somaliland, Qodobka 90aad;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi Ballaadhan;

Waxaan Go’aamiyey;

In laga bilaabo taariikhda maanta aan masuuliyiintan u magacaabo xilalkan:

1 Cumar Cali Cabdillaahi Bade Wasiirka Wasaaradda Horumarinta Caafimaadka.

2 Cabdiraxiim Cismaan Xaaji Cabdi (Shibbiin) Wasiirka Wasaaradda Qorshaynta iyo Horumarinta Qaranka.

3 Cabdinaasir Caydiid Maxamed Faarax Wasiirka Ku-xigeenka Wasaaradda Arrimaha Gudaha.

4 Salaan Xasan Kayd Cabdille Safiirka Somaliland u fadhiya Dalka Itoobiya

ALLAA MAHAD LEH
Muuse Biixi Cabdi
Madaxweynaha JSL.

COMMENTS
Latest News