Hangoolnews.com
Gabadh Soomaaliyeed oo aad uga murugootay bisad ka bakhtiday
February 10, 2019 - Written by Hangool News 1

Gabadh ku nool magaalada Qardho oo lagu magacaabo Ruun Cali Cabdi ayaa waxa ay lahayd bisad ay aad u jeceshahay. Bisadii ayaa ka jabtay ka dib markii ay dhagax kaga dhufteen carruur yaryar.

Ruun waxa ay ku dadaashay sidii ay u heli lahayd cid u kabta bisadda, balse kuma aanay guulaysan oo waa ay ka bakhtiday. Gabadhaasi ayaa murugo badan ka qaaday geerida bisadda.

Waxa ay xiriir la samaysan wasaaradda xanaannada xoolaha ee magaaladeeda balse kama aanay helin wax caawin ah.

Sheekada Ruun iyo bisadeeda ayaa hadal hayn ka dhalisay baraha ay ku wada xiriiraan bulshada Soomaaliyeed, waxaana dadka qaar ay ku tilmaameen “qof waalan oo magac raadis ah.”

“Bisadeydu xitaa hilibka cayriinka ah ma aanay cuni jirin, oo waxaan usoo iibin jiray buskud iyo caano,” ayay tiri Ruun.

Balse gabadhan oo baratay culuunta caafimaadka dadweynaha ayaa ku doodaysa in haddii ay Soomaalidu u naxariistaan xayawaanka ay markaa heli karaan nabad.

Hargeysa: Dhakhtar Yurub uga soo duulay si uu Harimacad u kabo

Nin lagu xukumay inuu xabsiga ku dhex daawado Filim

Mukulaal loo xukumay $710 kun oo magdhow ah

Ruun ayaa BBC-da laanta af Soomaaliga u sheegtay in hadda ka hor ay ka xanuunsatay bisadda, ka dibna ay la xiriirtay dhakhtar xayawaanka qaabilsan oo ku nool Masar, kaasoo kula taliyay dawada ku haboon bisadda.

Waxa ay intaa ku dartay in ay rajeynayso in mustaqbalka ay furto goob ay ku xananaaneyso bisadaha, ayna diyaar u tahay inay raadsato bisad kale maadaama ay ka dhimatay tii ay jeclayd.

COMMENTS
Latest News