Hangoolnews.com
Magufuli oo xilka ka qaaday qaar ka mid ah golaha wasiirada
November 11, 2018 - Written by Hangool News 1

Madaxwaynaha dalka Tanzaniya John Magufuli, ayaa xilka ka qaaday wasiirada beeraha iyo ganacsiga waxa uuna ku hanjabay in uu militariga uu daadgureyn doono taasi oo looga gol leeyahay in lagu xaliyo dhibaatada haysata beeraleyda dalaga Cashew nuts loo yaqaano.

Dhoofinta dalagan ayaa ka mid ah waxyaabaha uu qarashaadka badan ka so galo dalka Tanzaniya ,balse sanadkan waxaa halis galiyay dalagani ka dib muran ka dhashay qiimaha mirahani.

Madaxweynaha dalka Tanzania ayaa tallabo adag qaaday si uu xaqiijiyo in kumanaan beeraleey ah ay dalagooda ugu iibsadan qiimo wanagsan.

Dhanka kale dawladda ayaa iyadana faa’iido dhanka lacagaha qalaad ah ka hesho marka dalka dibadiisa loo iib geeyo dalaggan loo yaqaan cashew nuts-ka.

Muddo toddobaadyo ahba Beeraleeyda ayaa diidanaa in ay iibiyaan dalaggooda sababtoo ah waxa ay ka cabanayeen hoos u dhac ku yimi qiimaha dalagga.

Madaxweynaha dalka Tanzania john Magufuli ayaa marka hore xilka ka xayuubiyay laba wasiir oo sida la sheegay ku guul dareesytay in ay soo afjaraan dhibaatada hoos u dhaca qiimaha dalagga.

Marka labaadna waxaa uu eed dusha gaga tuuray ganacsatada isku dayaya in ay hoos u dhigaan qiimaha dalagga ay kaga soo iibsanayaan beeraleeyda waxa uuna amar ku bixiyay in laga bilaabo Isniinta lagu kordhiyo lacag dhan 1.3 doolar kiilihiiba.

Haddii ay diidaan qiimahaasina waxa uu sheegaya in 70 gaari oo ah kuwa milatariga uu diri doono kadibna ay soo rari doonaan dhamaan dalagga taas oo ay dawladdu iibsan doono badalkii ganacsatada.

COMMENTS
Latest News