Hangoolnews.com
Taariikh Nololeedkii Marxuum Maxamed Saalax Xaaji Xasan Aniis. Oo Dhamaystiran
January 8, 2017 - Written by Jumcale Gurey

 

Cishaday ka ideshehee

Calafkeedu joogsado

Cidkastoo aad jeceshahay

Wadka lagama celin karo

Codka waxa ugu baridaan

Cinda laahi kaligaa

Cabashada ku maqanee

Carshigàaga taaliyo

Codsigiyo waraaqaha

Boostaada ka camiran

Cadiimoow hanagu qadin

Baryadaa hasoo celin

Qalin caaro khayr badan

Ku saxeex casiisoow…

Alle ha u naxariistee Marxuumku wuxuu ku dhashay Gobolka Sanaag Degmada Ceerigaabo hilaadii sanadkii 1959

Wuxuuna ku barbaaray isla degmeda Ceerigaabo heerkiisii wax barashona ku qaatay dugsigii Dayaxa Sanaag iyo Dugsigii Farsamada gacanta ee Burco

Isagoo markii danbe u kicitimay wadamada khaliijka carabta oo uu mudo sanado ah ku sugnaa,

Markii uu dalka kusoo laabtay wuxuu noqday wakiilka Sanaag ee shirkadii diyaaradaha Somali Airline xiligaas oo ay dalka ka talinaysay dawladii milatarigu

Markii uu bilaabmay dhaqdhaqaaqii jabhadii SNM ayuu iskaga tagay shaqadaasi kanadhiidhiyay dulmigii iyo dhibaatadii lagu hayay dadkiisa iyo dalkiisa muddo yar ka dib dadaalkiisa iyo geesinimadiisii waxay gaadhsiisay inuu noqdo hogaamiyaha guutadii Hilaac oo ka tirsanayd ururkii snm isagoo dhalinyaro ah iyagoo hadafkii iyo himilooyinkoodii ay nafta iyo maalkaba usoo hureen ilaa maanta aynu hadhsanayno.

Markii Somaliland xoriyadeedii dib ugala soo noqotay 18 -May-1991

wuxuu qayb libaax ka qaatay shirarkii dib u heshiisiinta iyo taabagalintii qaran xor ah oo madax bannaan isagoo xilal kala duwan kasoo qabtay xukuumadihii kala danbeeyay ee dalka.

Sanadihii 2000-2005 dii wuxuu noqday Badhasaab iyo badhasaab kuxigeenka Gobolka Sanaag,

2008-2010 wuxuu ahaa Wasiiru Dawlaha Wasaaradda Arrimaha Gudaha Somaliland,

2010-2017 wuxuu ahaa Isuduwaha Wasaarda Waxbarshada Sanaag.

Rabbi ha u naxariistee Wuxuu ahaa shikhsi shaqo wanaag, daacadnimo iyo dadaal kucaan ahaa ilaahayna ku manaystay haybad iyo hibooyin ay ka mid ahaayeen aftahanimo, xigmad, dulqaad deeqsinimo iyo dabeecad wanaag,

Wuxuu Asxaab badan kulahaa deegaanada somaliyeed oo dhan.

Halkan waxaan kaga faalooday halbayj

Balse wuxuu lahaa taariikh qofka ay saacad kaliya wada sheekaystaan aanu kumanaan bayj kusoo koobi Karin

Shikhsi kastoo aqoon ulahaa wuxuu ka markhaati kacayaa wanaagiisii.

Tacsidiisuna waxay noqotay madal kulmisay kumanaan Somali ah oo isga timi gobolada dalka iyo dibadahaba

Ilaahay ha u naxariisto qabrigana ha u nuuriyo ducadaa muhiimee hana u aqbalo,

Halyeey Qaranka Somaliland ka baxay

Taariikh iyo magac weyna ku dhex lahaa bulshada xasuustiisuna ay ku dhignaan doonto qalbigooda.

Aaaamiiin Aaaamiiin Aaaamiiin.

 

 

 

 

Qalinkii : C/risaaq Sulub (Ilkacase)

 

COMMENTS
Latest News