Hangoolnews.com
Maydka Jen. Maxamed Cali Samatar oo laga soo dajiyay Garoonka Diyaaradaha Muqdisho ee Aadan Cadde
August 25, 2016 - Written by Hangool

Hangoolnews:-..Waxaa xilli dhaw laga soo dajiyay garoonka diyaaradaha Muqdisho ee Aadan Cadde, Maydka Allaha u Naxariistee Jen. Maxamed Cali Samatar oo dhawaan ku geeriyooday dalka Mareyanka, waxaana naxashka lagu siday meydkiisa la huwiyay calanka Somalia.

meydka3Ciidammo ka tirsan kuwa Millateriga Somalia ayaa Salaan-sharaf siiyay Meydka, iyadoo la garaacay Astaanta Qaranka, waxaana loo xiray soo dajinta maydka iyo aaskiisaba inta badan waddooyinka muhiimka ah ee Muqdisho.

Garoonka diyaaradaha ayaa waxaa ku sugnaa madaxda dowladda, wasiirro, saraakiil ka tirsan ciidamada xoogga dalka iyo Mas’uuliyiin kale. Waxaa lagu wadaa in lagu Aaso dhismaha wasaaradda gaashaandhigga Somalia, waxaana saaka ka Qayb-galaya madaxda sare ee Dowladda Federaalka.

meydka1

Ugu dambeyn, Allaha u naxariistee Jeneraal Maxamed Cali Samatar ayaa dhawaan ku geeriyooday gobolka Virginia ee dalka Mareykanka oo uu ku noolaa tan iyo markii ay burburtay dowladdii dhexe ee Soomaaliya.

 

COMMENTS
Latest News