Hangoolnews.com
Waa gabay baroor diiq ah oo ku Saabsan Alle haw naxariistee Abwaab Cali Sugule Duncarbeed
January 12, 2016 - Written by Hangool News

 *Ashwal baan ku furay Maansadaan soo agaasimaye

*Arartiisa Gabaygaygu waa Oohin iyo yaabe 

*Inta ay Ilmadu hibiq i tidhi oogsadoo kacaye

*Marna aamusoo layga waa Eray jabkiisiiye

*Hadii aan Hurdada eeg is idhi waanay imanayne

*Anfaciyo Cuntadii lay hordhigay oomamays malehe

*Imaaraad warkii nagaga yimi eednay baan idhiye

*Idaacada iyo Reedyawga yaa Aaladood jabiya

*Wariyihii akhriyey baan is idhi aamuskaw wacane

*Cali Sugule Aar buu ahaa Ibaha Maansode

*Haduu Iilku dhacay waw baqaa Aradka Soomaale

*Isha Gacanta Oftiyo Lugahaa Iini kaga taale

*DHegaa Ereyadiisii bartaa Awdan maantaba e

*Ingiriisba guubaabaduu ku eryey guuray 

*Tilmaantii Waddani uu ahaa yaa inaabsadaye

*Afsomaliguu dhigi jirayna wuu aradayaaye

* Wuxuu ahaa Aftahan Macalinoo laga Ul qaataaye

*Afhayeenkii Dhaqankuu ahaa so abaabulaye

*Iftiinkiyo Dabkuu daaray iyo Oogtiiba ashidane

*Wax dhaxuu Ababulay kacdon odhah u baahnaaye

*Ohda iyo Dareenkiisi baa ulay dadkeeniiye

*Intuu Hees amaamuday ku saar aadanaw calane

*Ubaxa iyo Midhuhuu Sarcaan wali u aynaaye

*Wax dhaaxuu intuu soo Onkoday Arartay Gerare

*Ayaantii Ina Galaal uu dhintaye aamuska ay jogtay

* Waatuu Xabaashii awaday Ulayna Geeraare

*Waatuu wixii uu ahaa aad u faaqidaye

*Inta uu Siyaad ula ladhacay uu u Anafooday

*Ordoo tag iyo waatuu ku yidhi Aaskan maad lihide

*Nin Abaal gashaday buu ahaa Eheladiisiiye

*Adhi daaqsintii kama Fekero aragti dheeruuye

* Wuxuu ahaa Ilaashaa Dalkiyo Ooda dayrka ahe

*Wuxuu ahaa Abaan duule aan cidi ataagayne

*Markuu Aaga Cadaw kaa xigsado aamin baad tahaye

*Iidaan iyo sidii Gaariyaan aad u tabayaaye

*Abkii Timacadiyo Waa Xaleefu ekihiisiiye

* Gacmadhere Uubtii ladhigay buu ifinayaaye

* Aramida iyo Nabarka idam qaday wa Abwan tagaye

*Allahaw Adaa Adamaha Oofsadoo dila e

*Ilaw shiiyahaygii hadaan Iinkagakay Diinta

*Aakhiro Allaw haygu qaban Eed kamaan wadine

*Markaklna Ergaan kuu ahaye Oofi ducadayda

* Adigaanay waxbaba kugu ahaynin aad samaysaaye

* Allahayow Albaabada Janada Aayar u ga sii fur

*Halka Uduga wayn iyo Sariir uga Asteeyoo dhig

*Xuurar cayn Ilwaad quruxsan Oooryo iyo Xaasas

* Adigay Awoodaada tahee Aqal u siiseexi Allaa Mahadleh ,

Qore ; Abwaan Cabdisalaan Caaradhuub

COMMENTS
Latest News